Asesoramento social
Axuda ás familias para que reciban información sobre o Alzheimer e as demencias e para que coñezan a que axudas poden optar e como completar os trámites administrativos necesarios para iso.
Desde - Hasta: 07/12/1995 - Actualmente
Os socios de AFACO teñen a oportunidade de recibir asesoramento da nosa traballadora social, que lles brinda información sobre a enfermidade e sobre os servizos e axudas ós que poden acceder:
- Información: Servizo que facilita información sobre a demencia, sobre a atención que presta AFACO, sobre como facerse socio ou sobre calquera outro tema relacionado coa entidade ou coas demencias. Trataranse de resolver as primeiras dúbidas e derivar ó profesional máis adecuado para resolver a demanda. Pódese solicitar cita previa coa traballadora social. Funciona de luns a venres, de 10 a 14 e de 16 e 20 horas.
- Tramitación de recursos e axudas: Servizo no que a traballadora social informa sobre qué recursos existen (tanto públicos coma privados), orienta sobre a idoneidade de cada un deles (segundo as características socio-familiares de cada caso) e ofrece apoio en tódolos trámites que hai que completar para conseguilos, coordinándose coas diferentes entidades e administracións.