Día mundial do Alzhéimer 2025

O vindeiro 21 de setembro celebramos o Día Mundial do Azheimer e na nosa entidade anticiparémonos con diferentes puntos informativos sobre o noso labor asistencial desde o venres 19 de setembro. En colaboración con outras moitas entidades, a nivel nacional e local, participaremos en diferentes accións de sensibilización en favor das persoas con alzhéimer, o sector sociosanitario e os familiares ou coidadores. O venres 19, durante o partido do Deportivo da Coruña, trasladaranse algúns destes mensaxes grazas ao apoio do club. O lema deste ano a nivel nacional “Igualando Dereitos” implica reivindicar para estes pacientes os mesmos dereitos que teñen o resto de persoas, como ver cubertas todas as necesidades asistenciais, poder decidir, acceder aos tratamentos necesarios etc. Desde AFACO queremos pedirvos un pequeno esforzo para divulgar a problemática que implican as demencias, lograr adhesións na vosa contorna, e colaborar no sostemento do labor asistencial necesario para atender a estes pacientes. 30 anos moi especiais Este ano celebraremos o noso congreso 30º Aniversario, co título “30 anos de memoria e esperanza: avances e desafíos no alzhéimer”, que terá lugar os días 27 e 28 de novembro de 2025 no paraninfo do Reitorado da Universidade da Coruña e do que tedes toda a información nesta ligazón. Nestas dúas xornadas, dirixidas a profesionais do sector, familiares, coidadores etc., terán como relatores a profesionais de recoñecido prestixio no panorama sociosanitario para falar de novos tratamentos, soidade non desexada e modelos de atención. Ademais, lanzamos un importante reto en Migranodearena.com polo que desde agora mesmo podedes xa colaborar apoiando o noso labor social e asistencial polas persoas con demencias e as súas familias. https://www.migranodearena.org/reto/colabora-con-afaco MESAS INFORMATIVAS NA CORUÑA 19/9/25 – Hotel Hesperia: C/ Juan flórez 16 – Praza de Lugo: C/ Praza de Lugo, enfronte ao número 22 – Oficina ABANCA: Rúa Nova 30 – Mercado Elviña: Av Salvador de Madariaga, 9 – Fundación Barrié: Cantón grande, 9 – Hotel Exe Catro Camiños: Ramón e Cajal, 53 – Campo marte (taxis): R. a Torre 65 – Mercado San Agustín: Praza San Agustín, 1 – Praza de Vigo (Rexistro): Emilia Pardo Bazan, 24 – Vos Castros (Gadis) AV Pasaxe, 15

AFACO no Espazo Amizar

A Xunta de Galicia entrega 12 locais do Espazo Amizar a entidades sociosanitarias entre as que está AFACO Nun acto celebrado nos últimos días o conselleiro de Presidencia, Xustiza e Deportes, Diego Calvo, acompañado pola delegada territorial da Xunta na Coruña, Belén do Campo, formalizaron a entrega de doce locais situados na terceira planta do Espazo Amizar a 14 entidades coruñesas que operan no ámbito sociosanitario, entre elas a Asociación de Familiares de Enfermos de Alzheimer e Demencias da Coruña (AFACO). Estas organizacións resultaron beneficiarias dunha convocatoria pública aberta en maio e cuxa resolución foi publicada o 23 de xullo no Diario Oficial de Galicia. A maioría xa foran adxudicatarias na convocatoria anterior de 2022, o que reflicte un compromiso renovado cara ao seu traballo. A cesión ten unha duración de catro anos e forma parte do compromiso institucional da Xunta por propiciar o tecido asociativo da Coruña e garantir que as entidades conten con espazos adecuados para desempeñar o seu labor sociosanitario. O Espazo Amizar, cunha superficie aproximada de 6.000 m², é resultado da rehabilitación da antiga sede da Xunta para Sanidade na Coruña. O proxecto supuxo no seu día un investimento de sete millóns de euros, e integra oficinas administrativas, unha oficina de emprego e os locais destinados a organizacións de acción social sen ánimo de lucro. Que supón para AFACO Para AFACO, dispoñer dun local no Espazo Amizar é importante, pois proporciona unha maior accesibilidade e presenza, nunha localización consolidada como referente social na cidade, ademais das sinerxias de poder compartir sede con outras entidades sociosanitarias. Tamén nos achega un espazo adaptado para o desenvolvemento de actividades, programas e servizos dirixidos a persoas con demencias e as súas familias. E o reforzo á súa proxección futura, aliñada coa súa misión de prestar acompañamento, asesoramento e atención psicolóxica a diario na Coruña. Entidades beneficiarias As organizacións que compartirán os 12 locais con AFACO nesta nova etapa son as seguintes: Balance e impacto Para a nosa entidade, a dotación deste espazo non só supón melloras loxísticas senón tamén simbólicas: reforza o seu posicionamento como entidade local comprometida e preparada para seguir crecendo en servizo ás persoas con demencia e as súas familias. Ademais, para poder levar a cabo o noso labor, é fundamental o apoio de todas as institucións que están presente no noso ámbito de actuación, que é A Coruña e a súa área metropolitana.