AFACO - Asociación Familiares Enfermos de Alzheimer A Coruña

Asóciate

A iluminación da Torre de Hércules de morado rubricou unha xornada na que AFACO saiu á rúa para explicar o seu traballo ós coruñeses

  • O día Mundial do Alzheimer celebrouse tamén nos mercados municipais, onde os traballadores luciron uns mandís solidarios coa causa, e nos supermercados Gadis, onde os dependentes portaron chapas alusivas á conmemoración.

A Torre de Hércules tinguiuse de morado ó caer a noite dunha xornada, a do Día Mundial do Alzheimer, na que AFACO, un ano máis, saiu á rúa para dar a coñecer o seu traballo ós cidadáns. A imaxe do faro romano Patrimonio da Humanidade serviu como colofón a moitas horas de intensa actividade, durante as que os traballadores e os voluntarios de AFACO, repartidos en mesas situadas por toda a cidade, puideron comprobar a solidariedade dos coruñeses e o seu interese por recibir información acerca do Alzheimer.

A iluminación da Torre non foi o único acto simbólico co que a cidade e os seus veciños apoiaron a loita contra o Alzheimer. Os traballadores dos postos de tódolos mercados municipais levaron uns mandís alusivos ó Día Mundial do Alzheimer e os dependentes dos supermercados Gadis da Coruña e da súa área metropolitana portaron unha chapa solidaria coa causa.

A proxección do vídeo elaborado pola Federación Alzheimer Galicia (FAGAL), á que pertence AFACO, en diferentes pantallas ubicadas en rúas da cidade serviu tamén como medio de concienciación durante toda a xornada. O vídeo proxectouse tamén, no día previo, no estadio de Riazor, durante o partido que disputaron o Deportivo e o Alavés. O apoio do club coruñés materializouse tamén durante o entrenamento do propio día 21 de setembro, no que os xogadores do equipo ataron as súas botas con cordóns morados para mostrar o seu cariño ós enfermos de Alzheimer e ás súas familias.

Os actos organizados por AFACO con motivo do Día Mundial do Alzheimer prolongáronse máis aló da data da conmemoración. O concerto da agrupación Amizades, celebrado ó día seguinte nun auditorio de Afundación Abanca prácticamente cheo, e a misa en recordo dos enfermos de Alzheimer falecidos remataron a semana. Unha conferencia sobre envellecemento e condución que acollerá a sede da Fundación ONCE no Cantón Grande o próximo 28 de setembro porá fin á programación.

Galería (pulse para ampliar)

Hosting por dinahosting.

Nuestros centros

Sede social Centro terapéutico Centro de día

©2017 AFACO - Aviso legal - Créditos
Parque San Diego, s/n, Centro Cívico - Bajo, 15006 A Coruña; Teléfono: 981 20 58 58 extensión 1001
C/ Petunias, 33 B, 15008 A Coruña; Teléfono: 981 20 58 58 extensión 2001
C/ Salvador de Madariaga nº 87 en A Coruña; Teléfono: 981 20 58 58 extensión 3001
ENTIDAD DECLARADA DE UTILIDAD PÚBLICA POR EL MINISTERIO DEL INTERIOR
Homologado por la Consellería de Traballo para la impartición de especialidades formativas.

Certificación obtenida para : Centro de día c/ Petunias y Centro Terapéutico c/ Salvador de Madariaga.
Certificación de calidad ISO-9001:2008
Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar