AFACO - Asociación Familiares Enfermos de Alzheimer A Coruña

Asóciate

Os comerciantes da Zona Obelisco «solidarízanse» con AFACO e levarán a cabo labores de sensibilización

  • Os comercios solidarios adheridos á campaña poderán exhibir adhesivos identificativos
  • A demencia é unha enfermidade que afecta a toda a familia, xa que non só a padece a persoa que a sofre, senón todo o seu ámbito

O presidente da Asociación Zona Comercial Obelisco, Antonio Amor, e a presidenta da Asociación de Familiares de enfermos de Alzheimer e outras demencias da Coruña, Mª Carmen Martínez, ratificaron o pasado 22 de xaneiro de 2015 un convenio de colaboración no marco do proxecto «Comercio solidario co Alzheimer».

Esta iniciativa ten como finalidade sensibilizar da problemática social e sanitaria de enfermidades como as demencias. Para iso, a Asociación Zona Comercial Obelisco invitará aos seus asociados a subscribir un manifesto de apoio ás persoas con Alzheimer e ás súas familias. Deste modo, os establecementos que o desexen poderán facer pública a súa colaboración exhibindo un adhesivo distintivo que recoñecerá a súa condición de «Comercio solidario» con esta enfermidade neurodexenerativa.

O Alzheimer é o tipo de demencia máis prevalente e que afecta en España a 3,5 millóns de persoas de forma directa ou indirecta, dado que esta enfermidade non só afecta a quen a padece, senón tamén ás súas familias. En Galicia, estímase que o 7% dos maiores de 65 anos (máis de 34.000 persoas) son candidatos a sufrir algún tipo de demencia, mentres que na Coruña hai uns 5.000 enfermos de Alzheimer.

Non obstante, estas cifras pronto deixarán de ser válidas xa que o envellecemento paulatino da poboación continúa en ascenso, especialmente en Galicia, polo que todas as previsións apuntan a que o número de afectados se duplicará a medio prazo.

Tal e como sinalou Antonio Amor na rolda de prensa, «o Alzheimer é unha enfermidade que pode afectalo a calquera», xa que non existe forma de previla porque non se coñecen as causas que a desencadean, de aí a importancia de que toda a sociedade comparta o coñecemento, se solidarice, se implique e se comprometa.

A presidenta de AFACO, que cifrou en «uns 30.000 euros» o custo anual, directo e indirecto, que deben soportar as familias de persoas con Alzheimer, reclamou «políticas de Estado» para loitar contra a enfermidade.

AFACO leva 20 anos traballando polo benestar das persoas con demencia e o dos seus coidadores co obxectivo de ofrecer unha atención de calidade as persoas que acoden a diario a algún dos seus tres centros e ás súas familias.

Galería (pulse para ampliar)

Hosting por dinahosting.

Nuestros centros

Sede social Centro terapéutico Centro de día

©2017 AFACO - Aviso legal - Créditos
Parque San Diego, s/n, Centro Cívico - Bajo, 15006 A Coruña; Teléfono: 981 20 58 58 extensión 1001
C/ Petunias, 33 B, 15008 A Coruña; Teléfono: 981 20 58 58 extensión 2001
C/ Salvador de Madariaga nº 87 en A Coruña; Teléfono: 981 20 58 58 extensión 3001
ENTIDAD DECLARADA DE UTILIDAD PÚBLICA POR EL MINISTERIO DEL INTERIOR
Homologado por la Consellería de Traballo para la impartición de especialidades formativas.

Certificación obtenida para : Centro de día c/ Petunias y Centro Terapéutico c/ Salvador de Madariaga.
Certificación de calidad ISO-9001:2008
Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar