ActívaT para parar o deterioro cognitivo

Mediante o emprego das novas tecnoloxías e outras actividades traballamos o mantemento de habilidades sociais e intelectuais

Durante varias horas da mañá e entre semana diferentes usuarios participan no Centro Terapéutico de San Diego no programa ActivaT. Está dirixido a pacientes con deterioración cognitiva leve e deseñado para cubrir o baleiro de tratamentos para persoas en estadíos incipientes da enfermidade de alzheimer.

Diferentes estudos inciden en que manter unha vida social e intelectual activa atrasa o progreso da deterioración nestes pacientes xa diagnosticados e en fases iniciais. A través de aplicacións de estimulación cognitiva como Stimulus pódense traballar diferentes áreas como atención, percepción, memoria, cálculo, linguaxe etc. Ademais, realizan talleres e outras actividades encamiñadas a frear o desenvolvemento da enfermidade.

Na actualidade, no centro situado no Complexo de San Diego, contamos con grupos en funcionamento os luns, mércores e venres, de 11 a 12:30 e de 12:30 a 14 h.

Voltar