Colaboracións con traballos universitarios

AFACO pon a súa experiencia no campo do Alzheimer e as demencias ó servizo de aqueles universitarios que cursen estudos da rama sociosanitaria e que desexen abordar no seu traballo de fin de grao algunha cuestión vencellada ó ámbito de actuación da entidade.

Son moitos os traballos cuxos autores contaron, dunha ou doutra forma, coa colaboración de AFACO e dos seus profesionais. Os técnicos da asociación exerceron como titores dos estudos, orientando ós universitarios acerca non só do Alzheimer e as demencias, senón tamén acerca da súa propia labor en AFACO.

Entre os estudantes que contaron con AFACO para a realización dos seus proxectos, hai algúns que tiveron ocasión de coñecelo modelo de traballo da asociación de forma directa, realizando traballo de campo nos nosos centros.

A vinculación coa Universidade non se limita ó apoio ós traballos de fin de grao, senón que tamén se concreta na chegada ós centros de AFACO de estudantes que realizan neles as súas prácticas académicas.